டாக்டர் அனிஷ் ஷா மஹிந்திரா & மஹிந்திரா லிமிடெட்டின் நிர்வாக இயக்குனர் மற்றும் தலைமை நிர்வாக அதிகாரி ஆவார். அவர் 2014-இல் மஹிந்திரா குழுமத்தின் குழுத் தலைவர் (ஸ்ட்ராட்டஜி) ஆக சேர்ந்தார். முக்கிய ஸ்ட்ராட்டஜி முன்முயற்சிகள், டிஜிட்டல் மயமாக்கல் மற்றும் தரவு அறிவியல் போன்ற திறன்களைக் கட்டமைத்தல் மற்றும் குழு நிறுவனங்கள் முழுவதும் ஒருங்கிணைந்த ஒத்துழைப்புகள் ஆகியவற்றில் அனைத்து வணிகங்களுடனும் நெருக்கமாக பணியாற்றினார். 2019-இல் அவர் துணை நிர்வாக இயக்குநர் மற்றும் குழு சி.எஃப்.ஓ-ஆக நியமிக்கப்பட்டார். அந்தப் பதவியில் அவரது பொறுப்புகளானவை குழு நிர்வாக அலுவலகத்தின் முழு பொறுப்பு மற்றும் வாகன உற்பத்தித் துறையில் ஆட்டோ மற்றும் ஃபார்ம் பிரிவுகள் தவிர்த்து பிற அனைத்து வணிகங்களின் பொறுப்புமாகும்.

அனீஷ் 2009 முதல் 2014 வரை ஜி.இ. கேபிடல் இந்தியாவின் தலைவராகவும் தலைமை நிர்வாக அதிகாரியாகவும் இருந்தார், அங்கு அவர் எஸ்பிஐ கார்டு கூட்டு முயற்சி உட்பட வணிகத்தின் மாற்றத்திற்கு வழி வகுத்தார். ஜி.இ-இல் அவரது பணி 14 ஆண்டுகள் நீடித்தது, இந்த காலகட்டத்தில் அவர் ஜி.இ கேப்பிடல் US மற்றும் உலகளாவிய பிரிவுகளில் பல தலைமைப் பதவிகளை வகித்தார். குளோபல் மார்ட்கேஜ் இயக்குநராக, 33 நாடுகளில் வளர்ச்சியை அதிகரிப்பதற்கும் இடரை நிர்வகிப்பதற்கும் பணியாற்றினார். ஜி.இ. மார்ட்கேஜ் இன்சூரன்ஸின் மூத்த துணைத் தலைவராக (சந்தைப்படுத்தல் மற்றும் தயாரிப்பு மேம்பாடு), அவர் பல்வேறு வளர்ச்சி முயற்சிகளுக்கு தலைமை தாங்கினார் மற்றும் ஜி.இ- இலிருந்து ஒரு உப நிறுவனம் உருவாக, ஒரு ஐ.பி.ஓ-இற்கு வணிகத்தைத் ஆயத்தம்செய்வதில் முக்கியப் பங்கு வகித்தார். ஜி.இ- இல் அவர் பணியாற்றத் தொடங்கிய போது, அனீஷ் ஸ்ட்ராடெஜி, இணையவழி மற்றும் சேல்ஸ் ஃபோர்ஸ் செயல்திறனை வழிநடத்தினார், மேலும் ஜி.இ-க்குள் டாட்-காம் வணிகத்தை நடத்துவதில் தனித்துவமான அனுபவத்தைப் பெற்றார். "டிஜிட்டல் காக்பிட்" ஐ உருவாக்குவதில் சிக்ஸ் சிக்மாவை சிறப்பாகப் பயன்படுத்தியதற்காக அனிஷ் ஜி.இ- இன் மதிப்புமிக்க லூயிஸ் லாடிமர் விருதையும் பெற்றார்.

ஜி.இ- க்கு அப்பால் உலகளாவிய வணிகங்களுடன் அவருக்கு மாறுபட்ட அனுபவமும் உள்ளது. அவர் பாங்க் ஆப் அமெரிக்காவின் யு.எஸ். டெபிட் புராடக்ட்ஸ் வணிகத்தை வழிநடத்தினார், அங்கு அவர் ஒரு புதுமையான வெகுமதி திட்டத்தை தொடங்கினார், கட்டணத் தொழில்நுட்பத்தில் பல முயற்சிகளை வழிநடத்தினார் மற்றும் வாடிக்கையாளருக்கான மதிப்பை அதிகரிக்க வங்கி முழுவதும் பல்வேறு குழுக்களுடன் நெருக்கமாக பணியாற்றினார்.

பாஸ்டனில் உள்ள பெயின் & கம்பெனியில் ஒரு ஸ்ட்ராடெஜி ஆலோசகராக, வங்கி, ஆயில் ரிக்ஸ், பேப்பர், பெயிண்ட், ஸ்டீம் பாய்லர்கள் மற்றும் மருத்துவ உபகரணங்கள் உட்பட பல தொழில்துறைகளில் பணியாற்றினார். அவரது முதல் பணிப்பங்கு மும்பையில் உள்ள சிட்டி வங்கியில் தொடங்கியது, அங்கு அவர் வர்த்தக சேவைகளின் உதவி மேலாளராக வங்கி உத்தரவாதங்கள் மற்றும் கிரெடிட் கடிதங்களை அவர் வழங்கினார்.

அனீஷ் கார்னகி மெல்லனின் டெப்பர் ஸ்கூல் ஆஃப் பிசினஸில் பி.எச்.டி பட்டம் பெற்றார், அங்கு கார்ப்பரேட் நிர்வாகத் துறையில் அவர் முனைவர் பட்ட ஆய்வைச் செய்தார். கார்னகி மெல்லனில் முதுகலைப் பட்டமும் பெற்றார், அகமதாபாத்தில் உள்ள இந்தியன் இன்ஸ்டிடியூட் ஆப் மேனேஜ்மென்ட்-இல் நிறுவன மேலாண்மையில் முதுகலை டிப்ளோமா பெற்றார். வில்லியம் லாடிமர் மெல்லன் உதவித்தொகை, ஐ.ஐ.எம்.ஏ.யில் தொழில் கல்வி உதவித்தொகை, நேஷனல் டேல்ன்ட் சர்ச் மற்றும் சர் டோராப்ஜி டாடா டிரஸ்ட் உள்ளிட்ட பல்வேறு கல்வி உதவித்தொகைகளைப் பெற்றுள்ளார்.

திரு. ரமேஷ் ஐயர் அவர்கள், ஏப்ரல் 30, 2001 முதல் நிறுவனத்தின் நிர்வாக இயக்குநராக இருந்து வருகிறார், ஆரம்பத்தில் இருந்தே எங்களுடன் பணியாற்றி வருகிறார். அவர், வணிக மேம்பாடு, ஃபைனான்ஸ் மற்றும் மார்கெட்டிங் சமபந்தமான விஷயங்களில் மிக்க அனுபவம் வாய்ந்தவர். திரு. ஐயர் எம் & எம், ஹோல்டிங் நிறுவனத்தின் குழு நிர்வாக வாரியத்திலும், பல்வேறு மஹிந்திரா குழும நிறுவனங்களின் குழுவிலும் உறுப்பினராக உள்ளார். வணிகத்தில் இளங்கலை பட்டமும், வணிக நிர்வாகத்தில் முதுகலை பட்டமும் பெற்றவர்.

திரு. ஐயர் அவர்கள் பம்பாய் சேம்பர் ஆஃப் காமர்ஸ் அண்ட் இண்டஸ்ட்ரியின் வங்கி மற்றும் நிதிக் குழுவின் உறுப்பினர், ஃபைனான்ஸ் கைத்தொழில் மேம்பாட்டு கவுன்சிலின் (எஃப்.ஐ.டி.சி) கோர் கமிட்டி மற்றும் இந்திய வர்த்தக மற்றும் தொழில்துறை கூட்டமைப்பின் என்.பி.எஃப்.சிகளின் பணிக்குழு (FICCI) விலும் இடம்பெற்றுள்ளார். சொசைட்டி ஆஃப் இந்தியன் ஆட்டோமொபைல் உற்பத்தியாளர்கள் (சியாம்) அமைத்த பொருளாதார விவகாரங்கள் கவுன்சிலின் ஃபைனான்ஸ் மற்றும் லீசிங் மற்றும் காப்பீடு தொடர்பான குழுவின் இணைத் தலைவராகவும் உள்ளார்.

திரு. ஐயர் அவர்கள் ஏராளமான விருதுகள் மற்றும் பாராட்டுகளைப் பெற்று சிறந்து விளங்குகிறார். அவருக்கு கார்ப்பரேட் தலைமைத்துவத்திற்கான இந்திய சாதனையாளர் விருதை இந்திய சாதனையாளர் மன்றம் வழங்கியுள்ளது. புதுடெல்லியின் பொருளாதார ஆய்வுகள் நிறுவனத்தால் வணிக தலைமைத்துவ விருதும் அவருக்கு வழங்கப்பட்டது. சி.எம்.ஓ ஆசியாவின் எம்ப்ளாயர் பிராண்டிங் இன்ஸ்டிடியூட் வழங்கிய ‘சி.இ.ஓ வித் எச்.ஆர் ஓரியண்டேஷன்’ விருது அவரின் தலைமைதுவத்துக்கு கிடைத்த பாராட்டு. அதோடு அல்லாமல், புது தில்லியின் பொருளாதார ஆய்வுகள் நிறுவனத்தால் உத்யோக் ரத்தன் விருதையும் பெற்றுள்ளார்; புனேவின் பொருளாதார வளர்ச்சி மற்றும் ஆராய்ச்சி கவுன்சிலின் ராஷ்டிரிய உத்யோக் பிரதிபா விருது; மற்றும் மும்பையின் தேசிய கல்வி மற்றும் மனித வள மேம்பாட்டு அமைப்பின் பாரதிய உத்யோக் ரத்னா விருது. அதோடு முடியவில்லை.

திரு. ரமேஷ் ஐயர் அவர்கள் இந்தியாவின் மிகவும் 'மதிப்புமிக்க' தலைமை நிர்வாக அதிகாரிகளைப் பற்றிய பிசினஸ் வேர்ல்டு சிறப்பு அறிக்கையிலும் இடம்பெற்றுள்ளார். நடுத்தர நிறுவனங்களின் பட்டியலில் 65 இல் 5 வது (வருவாய்: ரூ. 1,000 - 3,000 கோடி) பிரிவில் மற்றும் அதே பிரிவில் 65 இல் 6 வது, இது அதன் ஒரு வருட செயல்திறனை அடிப்படையாகக் கொண்டது. அவர், நிறுவனத்தின் ஐந்தாண்டு செயல்திறன் அடிப்படையில் 100 இல் 20 வது மற்றும், நிதித்துறையில் தரவரிசைகளின் அடிப்படையில் 12 இல் 3 வது தரத்தை பெற்றுள்ளார்.

திரு. தனஞ்சய் முங்காலே அவர்கள் இந்திய சார்டட் அக்கவுண்டண்ட்ஸ் நிறுவனத்தின் உறுப்பினராக உள்ளார் மற்றும் மும்பை பல்கலைக்கழகத்தில் வணிக மற்றும் சட்டத்தில் இளங்கலை பட்டம் பெற்றவர். அவர் தனது தொழில் வாழ்க்கையின் பெரும்பகுதியை இந்தியா மற்றும் ஐரோப்பாவில் கார்ப்பரேட் மற்றும் முதலீட்டு வங்கியில் செலவிட்டார். அவர் துணைத் தலைவராக இருந்தார் - தனியார் வங்கி, பாங்க் ஆஃப் அமெரிக்கா மற்றும் உறுப்பினர் - நிர்வாகக் குழு, டிஎஸ்பி மெரில் லிஞ்ச் லிமிடெட். தற்போது, ​​அவர் இந்தியா மற்றும் ஐரோப்பா ஆகிய இரு நாடுகளிலும் உள்ள பல்வேறு நிறுவனங்களுக்கு ஆலோசகராக உள்ளார். பல்வேறு பொது மற்றும் தனியார் நிறுவனங்களின் வாரியங்களில் அவர் தேர்ந்தெடுக்கப்பட்டார். அவர் மேம்பாட்டு கவுன்சில் உறுப்பினராக உள்ளார் - ஆக்ஸ்போர்டு இந்து ஆய்வுகளுக்கான மையம், ஆக்ஸ்போர்டு, யு.கே மற்றும் மஹிந்திரா யுனைடெட் வேர்ல்ட் கல்லூரியின் தேசிய குழுவின் உறுப்பினராக உள்ளார்.

திரு. சந்திரசேகர் பாவே அவர்கள் 1975 ஆம் ஆண்டில் இந்திய நிர்வாக சேவையில் (ஐ.ஏ.எஸ்) மின்சார பொறியியல் துறையில் இளங்கலை பட்டம் பெற்ற பிறகு தனது தொழில் வாழ்க்கையைத் தொடங்கினார். அவர் மத்திய மற்றும் மாநில அரசின் வெவ்வேறு பதவிகளில் பணியாற்றினார், மேலும் குடும்ப நலன் மற்றும் நிர்வாகத்தில் சிறந்து விளங்கியதற்காக மகாராஷ்டிரா அரசிடமிருந்து விருதுகளையும் வென்றார். பின்னர் அவர் இந்தியப் பத்திரங்கள் மற்றும் பரிவர்த்தனை வாரியத்தில் (செபி) 1992-1996 வரை மூத்த நிர்வாக இயக்குநராகப் பணியாற்றினார், இந்திய மூலதனச் சந்தைகளுக்கான ஒழுங்குமுறை உள்கட்டமைப்பை உருவாக்க உதவினார்.

திரு. பாவே அவர்கள் பின்னர் 1996 ஆம் ஆண்டில் தேசிய பத்திரங்கள் வைப்புத்தொகை லிமிடெட் (என்.எஸ்.டி.எல்) அமைக்க ஐ.ஏ.எஸ்ஸிலிருந்து தன்னார்வ ஓய்வு பெற்றார் மற்றும் 1996 முதல் 2008 வரை அதன் தலைவர் மற்றும் நிர்வாக இயக்குநராக இருந்தார். இந்த காலகட்டத்தில் ஆசிய-பசிபிக் பிராந்தியக் குழுவின் தலைவராகவும், சர்வதேச பத்திரங்கள் ஆணையங்களின் (ஐயோஸ்கோ) தொழில்நுட்ப மற்றும் செயற்குழு உறுப்பினராகவும் இருந்தார்.

திரு. பாவேவுக்கு பல தொழில்முறை இணைப்புகள் உள்ளன:

பொது நலன் மேற்பார்வை வாரியத்தின் (PIOB), மாட்ரிட்டின் உறுப்பினர், இது சர்வதேச கணக்காளர் கூட்டமைப்பின் தர நிர்ணய அமைப்புகளின் பணிகளை பொது நலனின் கண்ணோட்டத்தில் மேற்பார்வை செய்கிறது. இந்தியாவின் லண்டன் ஆலோசனைக் குழுவின் உறுப்பினர். சர்வதேச கணக்கியல் தர நிர்ணய வாரியத்தை மேற்பார்வையிடும் லண்டனின் ஐ.எஃப்.ஆர்.எஸ் அறக்கட்டளையின் அறங்காவலர்.

திரு. பாவே அவர்கள் இந்திய மனித குடியேற்றங்களுக்கான (IIHS) இலாப-நோக்கற்ற அமைப்பின் தலைவராக உள்ளார், நகர்ப்புறங்களின் சூழலில் மனித குடியேற்றங்கள் தொடர்பான விழிப்புணர்வை உருவாக்கி அதை பரப்புவதற்கான நோக்கத்திற்காக நிறுவப்பட்டது.

திருமதி ரமா பிஜாபுர்கர் அறிவியலில் இளங்கலை பட்டம் பெற்றார் (ஹான்ஸ்.) மற்றும் டெல்லி பல்கலைக்கழகத்தின் மிராண்டா ஹவுஸிலிருந்து இயற்பியலில் பட்டம் பெற்றார். அகமதாபாத்தில் உள்ள இந்தியன் இன்ஸ்டிடியூட் ஆப் மேனேஜ்மென்ட் நிறுவனத்தில் மேலாண்மை முதுகலை டிப்ளோமாவைப் பெற்றார், அங்கு அவர் இப்போது ஆளுநர் குழுவின் செயலில் உறுப்பினராகவும் விசிடிங் ஆசிரியராகவும் உள்ளார். அவர் ஒரு சுயாதீன சந்தை மூலோபாய ஆலோசகர் மற்றும் விளம்பரம், மார்கெட்டிங் மற்றும் ஆலோசனை போன்றவற்றில் சுமார் 30 ஆண்டுகள் அனுபவம் பெற்றவர். அவர் முன்பு மெக்கின்சி & கம்பெனி, ஏ.சி. நீல்சன் இந்தியாவுடன் இணைந்திருந்தார் மற்றும் இந்துஸ்தான் யூனிலீவர் லிமிடெட் நிறுவனத்துடன் முழுநேர ஆலோசகராக பணியாற்றியுள்ளார். வளர்ந்து வரும் சந்தை மற்றும் நுகர்வோர் தொடர்பான பிரச்சினைகள் குறித்து அவர் பல புத்தங்களை வெளியிட்டுள்ளார் மற்றும் ‘இந்திய சந்தையில் வெற்றி - நுகர்வோர் இந்தியாவின் மாற்றத்தைப் புரிந்துகொள்வது’ என்ற தலைப்பில் புத்தகத்தை எழுதியுள்ளார்.

தற்போது, ​​திருமதி பிஜாபுர்கர் அவர்கள் பல்வேறு புகழ்பெற்ற நிறுவனங்களின் வாரியங்களில் ஒரு சுயாதீன இயக்குநராக உள்ளார்.

திரு. மிலிந்த் சர்வதே ஒரு பட்டயக் கணக்காளர், செலவுக் கணக்காளர், நிறுவனச் செயலாளர், வணிகவியல் பட்டதாரி மற்றும் சிஐஐ-ஃபுல்பிரைட் ஃபெலோ (கார்னகி மெல்லன் பல்கலைக்கழகம், பிட்ஸ்பர்க், அமெரிக்கா) ஆவார். மரிகோ மற்றும் கோத்ரேஜ் போன்ற குழுக்களில் நிதி, மனிதவளம், ஸ்ட்ராடெஜி மற்றும் கார்ப்பரேட் கம்யூனிகேஷன் ஆகியவற்றில் 35 ஆண்டுகளுக்கும் மேலான அனுபவம் பெற்றவர்.

திரு. மிலிந்த் சர்வதே இன்கிரியேட் வேல்யூ அட்வைசர்ஸ் எல்.எல்.பி.-இன் நிறுவனர் மற்றும் தலைமை நிர்வாக அதிகாரி ஆவார். நிறுவனங்கள் மற்றும் தனிநபர்கள் வணிக மற்றும் சமூக மதிப்பை உருவாக்குவதற்கு வழிவகுப்பதே அவரது நோக்கம். ஆலோசகர், குழு உறுப்பினர் மற்றும் முதலீட்டாளர் போன்ற பல்வேறு பணிப்பொறுப்புகளை ஏற்றக்கொள்வதின் மூலம் அவர் தனது இலக்கினை நோக்கிப் பயணிக்கிறார்.

• அவரது ஆலோசனைப் பணிகள் நுகர்வோர் துறை மற்றும் சமூகப் பொறுப்புணர்வு துறையை உள்ளடக்கியது.

• அவர் க்ளென்மார்க், மைண்ட்ட்ரீ, மெட்ரோபோலிஸ் ஹெல்த்கேர், மேட்ரிமோனி.காம் மற்றும் ஹவுஸ் ஆஃப் அனிதா டோங்ரே ஆகிய நிறுவனங்களுக்கு அவர் இயக்குநராக உள்ளார்.

• அவரது முதலீட்டு குவியப் புள்ளிகளில் நுகர்வோர் துறை மற்றும் நிதி மற்றும் மனித வளங்களின் நிபுணத்துவத்தைச் சார்ந்து கட்டமைக்கப்பட்ட நிதிகள் / நிறுவனங்கள் அடங்கும்.

திரு. மிலிந்த் சர்வதே 2011-இல் ஐ.சி.ஏ.ஐ விருது-சி.எஃப்.ஓ-எஃப்.எம்.சி.ஜி மற்றும் 2012-இல் சி.என்.பி.சி டிவி -18 சி.எஃப்.ஓ விருது-எஃப்.எம்.சி.ஜி & ரீடெயில் ஆகிய விருதுகளைப் பெற்றார். அவர் 2013-இல் சி.எஃப்.ஓ இந்தியாவின் ஹால் ஆஃப் ஃபேம் குழுவில் இடம்பிடித்தார்.

திரு. அமித் ராஜே தற்போது தாய் நிறுவனமான மஹிந்திரா & மஹிந்திரா லிமிடெட் நிறுவனத்தின் கூட்டாளர் மற்றும் கூட்டணிகளின் நிர்வாகத் துணைத் தலைவராக உள்ளார், மேலும் மஹிந்திரா குழுமத்தில் முன்னணி M&A மற்றும் முதலீட்டாளர் உறவுகளின் பொறுப்பாளராக உள்ளார்.

மஹிந்திரா குழுமத்தில் சேருவதற்கு முன்னர், திரு அமித் ராஜே கோல்ட்மேன் சாச்ஸின் முதன்மை முதலீட்டுப் பிரிவில் நிர்வாக இயக்குநராக இருந்தார். நாவல்டெக் ஃபீட்ஸ் பிரைவேட் லிமிடெட், குட் ஹோஸ்ட் ஸ்பேசஸ் பிரைவேட் லிமிடெட் மற்றும் குளோபல் கன்ஸூமர் பிராடக்ட்ஸ் பிரைவேட் லிமிடெட் ஆகியவற்றின் நிர்வாகக் குழுக்களில் கோல்ட்மேன் சாச்ஸின் நியமன இயக்குநராக இருந்தார்.

शதிரு. அமித் ராஜே கார்ப்பரேட் ஃபைனான்ஸ், மெர்ஜர்ஸ் & அக்விசிஷன்ஸ் மற்றும் பிரைவேட் ஈக்விட்டி ஆகியவற்றில் 20 ஆண்டுகளுக்கும் மேலாக ஒட்டுமொத்த அனுபவம் பெற்றவர். கோல்ட்மேன் சாச்ஸுக்கு முன்பு, திரு. ராஜே கோடக் மஹிந்திரா வங்கியின் மாற்று சொத்து பிரிவான கோடக் இன்வெஸ்ட்மெண்ட் அட்வைசர்ஸ் லிமிடெட் மற்றும் டெலாய்ட் & கோ நிறுவனத்தில் பரிவர்த்தனை ஆலோசனை சேவைகளில் பணியாற்றினார்.

திரு. அமித் ராஜே மும்பை பல்கலைக்கழகத்தில் முதுகலைப் பட்டம் மற்றும் லண்டன் பிசினஸ் ஸ்கூலில் ஃபைனான்ஸ் & பிரைவேட் ஈக்விட்டியில் எம்.பி.ஏ பட்டம் பெற்றவர் ஆவார்.

டாக்டர் ரெபேக்கா நியூஜென்ட் ஸ்டீபன் இ. மற்றும் ஜாய்ஸ் ஃபியன்பெர்க் புள்ளிவிவரங்கள் மற்றும் தரவு அறிவியல் பேராசிரியர், கார்னகி மெலன் புள்ளிவிவரங்கள் மற்றும் தரவு அறிவியல் துறையின் தலைவர் மற்றும் தொழில்நுட்பம் மற்றும் சமூகத்திற்கான தொகுதி மையத்திற்கான இணை ஆசிரிய உறுப்பினரும் ஆவார். புள்ளியியல் மற்றும் தரவு அறிவியல் ஆலோசனை, ஆராய்ச்சி, பயன்பாடுகள், கல்வி மற்றும் நிர்வாகத்தில் பல்கலைக்கழக அளவிலான கல்வியில் 15 ஆண்டுகளுக்கும் மேலாக அனுபவம் பெற்றவர். தரவுப் பயன்பாட்டில், பாதுகாப்புத்துறை கையகப்படுத்தல் தொழிலாளர் திறனை மேம்படுத்துவது தொடர்பாக தேசிய அறிவியல், பொறியியல் மற்றும் மருத்துவ ஆய்வு அக்கடமியின் இணைத் தலைவராக டாக்டர் நியூஜென்ட் உள்ளார். சமீபத்தில் தரவு அறிவியல் பிரிவு : தி அண்டர்கிராஜூவேட் பெர்ஸ்பெக்டிவ் முன்னோடி NASEM ஆய்வில் பணிபுரிந்தார்.

அவர் ஸ்டாட்டிஸ்டிக்ஸ் & டேட்டா சயின்ஸ் கார்ப்பரேட் கேப்ஸ்டோன் திட்டத்தின் ஸ்தாபக இயக்குநராக உள்ளார், இது ஒரு அனுபவரீதியான கற்றல் முன்முயற்சி ஆகும், இது தற்போதைய வணிகச் சவால்களுக்கு தரவு அறிவியல் தீர்வுகளை மேம்படுத்துவதற்கும் பயன்படுத்துவதற்கும் தொழில் மற்றும் அரசு நிறுவனங்களுடன் கூட்டமைக்கும் ஒரு திட்டமாகும். மேலும் நிதி, மார்க்கெட்டிங், சுகாதாரப் பராமரிப்பு மற்றும் கல்வித் தொழில்நுட்பம் ஆகியவற்றில் உலகளாவிய நிறுவனங்களுடன் ஆலோசனை செய்யும் திட்டமாகும். டாக்டர் நியூஜென்ட் உயர் பரிமாண, பெரிய தரவு கொண்ட சிக்கல்கள் மற்றும் ரெக்கார்ட் லிங்கேஜ் பயன்பாடுகளுக்கு முக்கியத்துவம் அளித்து கிளஸ்டரிங் மற்றும் வகைப்பாடு முறைகளில் பணியாற்றியுள்ளார். இன்டர்நேஷனல் ஃபெடரேஷன் ஆஃப் கிளாசிஃபிகேஷன் சொசைட்டியின் தலைமைப்பதவி (2022-க்கு திட்டமிடப்பட்டுள்ளது) உள்ளிட்ட தொடர்புடைய தலைமைப் பதவிகளில் பணியாற்றியுள்ளார். தரவு-தகவலறிந்த முடிவெடுப்பதை ஊக்குவிக்கும் மற்றும் அடாப்டிவ் இன்ஸ்ட்ரக்ஷன் மற்றும் தரவு விஞ்ஞானத்தை ஒரு விஞ்ஞானமாக ஆய்வு செய்ய அனுமதிக்கும் இண்டராக்டிவ் தரவு பகுப்பாய்வுத் தளங்களின் வளர்ச்சி மற்றும் பயன்பாடு ஆகியவற்றில் அவரது தற்போதைய ஆராய்ச்சி கவனம் செலுத்துகிறது.

அவர் அமெரிக்கன் ஸ்டாட்டிஸ்டிகல் அசோசியேஷன் வாலர் அவார்ட் ஃபார் இன்னொவேஷன் உள்ளிட்ட பல தேசிய மற்றும் பல்கலைகழக அளவிலான கற்பித்தல் விருதுகளை வென்றுள்ளார். மேலும் அவர் புள்ளியியல் துறையின் ஸ்பிரிங்கர் டெக்ஸ்ட்ஸ்–இல் ஓர் இணை ஆசிரியராகவும் உள்ளார்.

அவர் வாஷிங்டன் பல்கலைக்கழத்தில் புள்ளியியலில் பி.எச்டி பட்டம் பெற்றவர். மேலும் ஸ்டான்ஃபோர்ட் பல்கலைக்கழக்கத்தில் புள்ளியியலில் எம்.எஸ் பட்டமும் ரைஸ் பல்கலைகழகத்தில் கணிதம், புள்ளியியல் மற்றும் ஸ்பானிஷில் பி.ஏ பட்டங்களையும் பெற்றவர்.

<pதிரு. அமித் சின்ஹா 2020 நவம்பர் 1 முதல் குரூப் ஸ்ட்ராட்டஜியின் தலைவராக தாய் நிறுவனமான மஹிந்திரா & மஹிந்திரா லிமிடெட் (“எம் & எம்”) மூலம் நியமிக்கப்பட்டார். திரு. அமித் சின்ஹா ​​ குரூப் ஸ்ட்ராட்டஜியின் அலுவலகத்திற்கும் குறுகிய, நடுத்தர மற்றும் நீண்ட கால வளர்ச்சிக்கான வணிகங்களின் ஒட்டுமொத்த போர்ட்ஃபோலியோவிற்கும் தலைமை வகிக்கிறார். அவர் சர்வதேச கவுன்சிலுக்கும் தலைமை வகிக்கிறார் மற்றும் அமெரிக்கா, ஆசியா பசிபிக் மற்றும் ஆபிரிக்கா முழுவதும் சர்வதேச சினர்ஜிக்களை ஒருங்கிணைக்க உதவுகிறார். அவரது போர்ட்ஃபோலியோவில் இடர் மற்றும் பொருளாதாரச் செயற்பாடுகளும் அடங்கும். அவர் குழு நிறுவன அலுவலகக் குழுவின் ஒரு பகுதியாவார்.

அவர் குழு நிறுவன அலுவலக தலைமைக் குழவிலும் ஈடுபட்டுள்ளார்.எம்&எம்-இல் சேரும் முன், திரு அமித் சின்ஹா பெயின் & கம்பெனியில் மூத்த பார்ட்னர் மற்றும் இயக்குனராகப் பணியாற்றினார். பெயினில் 18 ஆண்டுகளுக்கு மேலாக, அவர் பெரிய-அளவிலான, பல நாட்டு உத்தி, அமைப்பு, டிஜிட்டல் மற்றும் செயற்திறன் மேம்பாட்டு செயற்திட்டங்களை நிர்வகித்தார். அவர் அமெரிக்கா மற்றும் இந்தியா முழுவதிலும் முதன்மை தனியார் ஈக்விட்டி நிதிகளுக்கு வணிக ரீதியான தொடக்க முயற்சி மற்றும் முழுத் திறன்கொண்ட போர்ட்ஃபோலியோ ஸ்ட்ராட்டஜி திட்டங்களுக்குத் (வாங்குதலுக்குப் பிறகு) தலைமை வகித்தார். திரு அமித் சின்ஹா தனது பணி வாழ்க்கையை டாட்டா மோட்டார்ஸில் தொடங்கினார். பின்னர் ஐகேட் பட்னி (இப்போது கேப்ஜெமினி) -இல் இந்தியா சிங்கபூர் மற்றும் அமெரிக்காவில் தலைமைத்துவப் பதவிகளை வகித்தார்.

ஃபைனான்ஸ் மற்றும் ஸ்ட்ராட்டஜியில் எம்.பி.ஏ பட்டம் பெற்றவர். அங்கு அவர் பால்மர் ஸ்காலராக இருந்து சிபெல் ஸ்காலர்ஷிப் பெற்றவர் ஆவார். அவர் ராஞ்சி பிர்லா இன்ஸ்டிட்யூட்டில் பொறியியல் இளங்கலை (மின்னியல் மற்றும் மின்னணுவியல்) பட்டம் பெற்றவர். திரு அமித் சின்ஹா ஆனந்தா ஆஸ்பெனின் இந்திய தலைமைத்துவ ஃபெல்லோஷிப் திட்டத்தின் ஒரு பகுதியாக ஆனந்தா ஆஸ்பென் ஃபெல்லோ ஆவார்.